Festas da Dorna (colabora a Cofradía da Dorna co CIM)
Unha carpa con dúas profesionais expertas en igualdade e prevención de violencia de xénero e outras violencias machistas, especialmente a sexual.
Colaboración de 7 bares de Ribeira como Puntos Violeta. Estarán identificados cunha pegatina na porta cun código QR que os redirixe á información dos dípticos que tamén teremos na carpa para repartir e informar.
Bares Cocoluche, Recoveira, Esmorga, Horseluis, Tasca do Barbanza e Galeón
A Carpa durante as festas da Dorna estará os días:
19 de xullo: de 23 a 4 horas en Bandourrío
24 de xullo: de 23 a 4 horas no Malecón.
OBXECTIVOS DOS PUNTOS VIOLETA
· Sensibilizar na erradicación da violencia machista e, máis concretamente, da violencia sexual, proporcionando información sobre estas materias.
· Proporcionar información sobre a finalidade dos puntos e sobre os recursos e servizos especializados cos que conta o concello e a nosa comunidade en materia de violencia de xénero e outras violencias machistas.
· Atender e, no seu caso, acompañar a mulleres ou adolescentes, que sufran algún tipo de violencia de xénero, en especial, violencia sexual, ou a persoas que sufran outras violencias machistas.
· Informar ás persoas que presencien algunha manifestación relacionada coas violencias machistas, sobre a súa actuación.
Prestacións proporcionadas
Os puntos violeta proporcionarán catro tipoloxías de prestacións:
– sensibilización a través da dinamización de actividades específicas.
– información relacionada coas violencias machistas (en especial, a violencia sexual e a LGTBI fobia), recursos existentes e teléfonos de interese.
– atención e acompañamento ante posibles casos de agresión machista.
– asesoramento a persoas que presenciaron unha agresión machista para saber como actuar
